Hargeisa- Madaxwaynaha Somaliland, Muuse Biixi Cabdi, ayaa maanta u furay golihiisa wasiirada kulan hawleed afar maalmood ah.

Kulanka ayay kaga hadli doonaan sidii ay u qaabayn lahaayeen qorshe ay ku shaqeeyaan iyaga oo ka duulaya barnaamij siyaasadeedka xisbiga iyo Qorshaha Qaran ee Dawladda.

Madaxwaynaha oo la hadlay ayaa u sheegay inay wasiiradu dadku u sinaadaan.

"Wasiirradan halkan fadhiyanna ninna caaqil iyo odayaal iima keenin,” ayuu yidhi madawxaynuhu.

"Hawlaha inoo yaallaa way badan yihiin waxaana aynu soo galnay olole siyaasadeed, waxaana aynu dadka u ballan qaadnay ballamo waaweyn inaga oo xisbiga Kulmiye ah,” ayuu ku daray.

"Barnaamijka xisbiga iyo qorshahahorumarinta qaranka ee labaad, waxaynu u baahanahay inaynu diyaarino boqol iyo labaatan maalmood ee ugu horreeya oo run ah,” ayuu yidhi Madaxwaye Muuse Biixi.